COLEGIO SUPERIOR PARA LA EDUCACIÓN INTEGRAL INTERCULTURAL DE OAXACA   BACHILLERATO INTEGRAL COMUNITARIO Nº 24

ASIGNATURA: LENGUA INDIGENA

TRABAJO: ELEMENTOS CULTURALES

NOMBRE DEL DOCENTE: YESENIA SANTIAGO LOPEZ

MODULO: 4º                                                   GRUPO: “A”

CLAVE DEL CENTRO DE TRABAJO: 20EBD0024N

ASESORA DE GRUPO:  LETICIA PEREZ MERINO

CICLO ESCOLAR: 2016-2017

ELABORADO POR:

KARINA IVETTE PEREZ

MARCOS M. NICOLAS CORTES

PAOLA   LIZETH  RAMIREZ GUTIERREZ

FECHA DE ENTREGA: 13 DE MARZO DE 2017

RACHA VA´A  LALU

Ñuu Yuku Yuu Ka´nu, kua´a xaan cha tyakɨ iyo tya tandɨ´ɨ maa ñuu iyo-iyori maa ku´va nye´eñi ñiñayɨvɨ.

Cha kuenda tu´un cha ka´in vachi xiñi noo tu´un cha vityiya tya kuanakatyi chindoo, tu´un chi kuu chira cha va´a Lalu, ra Yuku Yuu kuura nda´vi-ya, noo rayɨɨ sɨɨ-iñi kuura, nyicha cha sa´a tyiñora, tandɨ´ɨri maa kɨvɨ ku´va kaa o´on tya cha kua´anri maara chiku´u, ki´inra mityira, nandukura yono tya tyi´ira xita ndava, saka tyi´ira tixi xiñira tya natyaara nyicha cha´ara, maa tyakɨ yɨsɨ ra cha va´a-ya, tya noo-noo ki´inra kavayu sanara tya kua´anra.

Tya ñi´i chika cha´a kavayu kua, maa-maa ku´va cha kua´anra cha va´a kua chata ve´e ña ma´a Lena, chitorimaaña ve ra Lalu kua kuura, tya kitaña ka´an-ña chi´inra ve koora chin ndutya ñi´ñi tya sɨɨn ve chi tyi´i ndachiña noo xita ndava, kuka´an-kuka´anri nuura Lalu-ya tya kua kachi tukura  chin xita ño´o ndachi kua.

Ndavi sana kuñi ma´a Lena chiira ve noori maara iyo, nuu ña-yachi va´ara tya va´a xaan ñiyɨvɨ kuura.

Nyakua va´a  kuñi añima ra cha va´a-ya, tya saka naku´vara tya´vinyoo tya naki´in tukura kavayu sanara tya kua´anra, ityinuuri kua´anra nanye´e tukura ve sɨkɨ uu-ta´an ñinyi´i cha kɨ´vɨ xe´e, ña´ri nyoo chika chinooñi, sɨɨ icha ketuu ñi nyi´i-ya nyakua nayaa iñira cha va´a-ya  tya inakɨ´ɨ iñira chiku lu´lura ve kua´a xaan ku´va ichisɨkɨra chi´in ta´an nyi´ira, ichisɨkɨra, tɨtuun, kavayu yutu tya isava´a tuku koora ndaxi o tutu cha ndava chi´in tatyi, nda´vira Lalu-ya ve ichaa añimara tu´un kuenda sɨ´ɨra nakɨ´ɨ iñira ve tyakɨ va´a tuuña chi´in che´eña, mandilña tya taxiñori kamaa sɨkɨña tya aretyeña, soko va´a ikuñi tukura ve ña´ri tɨndo´o inye´e sɨ´ɨra chi´in kue´e.

Chika kamaa iñira tya ñichitora ichaara chichakuura, ikicha´a nasata´anra nduku, ityaara xiin kavayu sanaara, kuee ikuu tyiño-ya tya icha tuku ku´va cha ko´ora chin ndutya saka iki´inra noo ñachinda´a tya ichakunyaara yu´u noo tyavi lee tya ñana cha asɨɨ ndutya kua, saka indakuitara tya ichanyaara yuva toon chi´in chin yuva ixi ve inañi´i tukura chin tya katyira chi kavayu sanara:

—Ko´o ñeero, chikuu chin tyiño lu´lu-ya.

Tya kua nanu´u tukura nda´vi-ya, ichaara yu´u ñuu Ñu´u Kua´a tya ichiñira yaa koyo tya´nu, ku´va yɨsɨ kuii kanachaa koora tya ku´va kurracha maa mityi maa ra cha kuu ra cha´nu kua, kuñi va´ara kunye´enoora chin soko ñi kaña iñira ve nda´ara  xaan tyiño tya yɨɨ xaan kue va´aka kuanu´ura ndoo ityi nya ve´era.

Inachaara ve´era tya ikinyara tyayu  chata kavallu kua tya ikɨ´ɨvɨ kutyira, inandv´vᶤᶤra nonka sa´ma ve kua kuenye´era tya´nu nuya´vi ve sᶤᶤ sana nyaa viko ñuura Yuku Yuu Ka´anu. I tyi´ira nyicha cha´ara tya ikita ityira, tya ku´va chií charaa nuu ya´vi kua, ichaa soko chiru tya icha sataru noo taku vita nunyaa nuu ma´a Matilde ve asee sana taku cha sava´a nuu ma´akua, ide´e yachira taku tya itya´vira chinu ma´a mati, tya iki´inra ityi ve´era, ikavara tya ñi tuu iñira   ikusura……….